Karl-Heinz Rummenigge është rikthyer te Bayern Munchen si pjesë e Bordit të Mbikqyrjes së klubit. Rummenigge më herët ka mbajtur postin e drejtorit ekzekutiv të gjigandët bavarezë, ndërsa me zhvillimet e reja në klub ai do të jetë në Bordin Mbikqyrës, i cili do të marrë vendimet më të rëndësishme.
Bayern Munchen shkarkoi Oliver Kahn dhe Hasan Salihamixhiç nga postet e tyre, ndërkohë që gjigandi bavarez fitoi titullin e Bundesliga në ndeshjen e fundit, pasi në garë ishte edhe Borussia Dortmund.
“Do të dëshiroja të falënderoja bordin për besimin e tyre dhe pres me padurim të mbështes Bayern si pjesë e tij në të ardhmen. Kam qenë shumë me fat dhe i nderuar që të festoj shumë suksese me këtë klub, ndaj jam i lumtur që t’i përgjigjem pozitivisht ftesës së drejtuesve”, tha Rummenigge.
Discussion about this post