Një efektiv policie me gradën nënkomisar është pezulluar nga detyra, pasi dyshohet se i ka vjedhur një qytetari një zarf me lekë.
Në një video të publikuar nga JOQ shfaqet efektivi i policisë teksa nga një zarf merr disa kartmonedha, të cilat më pas i vendos nën kapele.
Në lidhje me një video të publikuar në portalin JOQ në të cilën shfaqet një punonjës policie në shkelje të procedurave standarde të punës, ju sqarojmë se:
Drejtori i Drejtorisë Vendore të Policisë Shkodër ka pezulluar menjëherë nga detyra punonjësin e Policisë nënkomisar Sh. Gj., me detyrë specialist i Policisë së Rendit në Komisariatin e Policisë Shkodër, si dhe është njoftuar edhe AMP në lidhje me rastin.
Ndërkohë Drejtoria e Standardeve Profesionale në Drejtorinë e Përgjithshme të Policisë së Shtetit ka nisur hetimin disiplinor për shkelje të rëndë”, thuhet në një njoftim zyrtar.
Discussion about this post