Lautaro Martinez mendon se Interi ishte ‘shumë superior’ ndaj Milanit në gjysmëfinalen e Ligës së Kampionëve dhe shprehet se tashmë po studion Manchester Cityn për finalen e madhe.
Inter mundi rivalët e Milanit në gjysmëfinale për t’u përballur me Manchester City javën e ardhshme për trofeun e Ligës së Kampionëve në stadiumin ‘Ataturk’ të Stambollit, më 10 qershor.
Kapiteni i Interit, Lautaro Martinez, ka thënë se ata janë finalistë të denjë të Ligës së Kampionëve dhe mezi presin finalen.
“Ne ishim shumë superiorë ndaj Milanit për sa i përket qëndrimit. Pasi kaluam në atë epërsi të hershme me dy gola na bëri të ndiheshim të relaksuar për ndeshjen e dytë para tifozëve tanë”, ka thënë fillimisht Lautaro.
“Ai gol ishte një nga më të rëndësishmit e karrierës sime, jo për faktin se sa i mirë ishte, por për rëndësinë dhe historinë që qëndron pas tij. Këto janë ndjenja unike, janë ndjesi të vështira për t’u përshkruar”.
Pasi ka fituar Kupën e Botës ‘Katar 2022’ me Argjentinën, është një mundësi e jashtëzakonshme për Lautaron që ta bëjë këtë vërtet të paharrueshme.
“Unë shikoj shumë video të portierëve kundërshtarë për të kuptuar se si ata pozicionohen, pra nëse dalin në krosime, nëse rrëzohen në situatat një kundër një, cilën anë e favorizojnë. Është e rëndësishme të studiohen këto detaje, kështu që kur të vijë koha, mund të marr një vendim në një pjesë të sekondës”.
Me një top katërshe të mbyllur tashmë në Serie A, Interi mund të kalojë 10 ditët e ardhshme duke u përgatitur vetëm për përballjen me Manchester City.
“Jam i tensionuar para çdo ndeshjeje, do të ishte fundi nëse nuk do të ndihesha nervoz. Ne duhet ta shijojmë këtë, sepse nuk mund të luani një finale të Ligës së Kampionëve çdo ditë”, përfundoi ylli i Inter
Discussion about this post