Milani rikthehet në Champions League pas 8 vitesh. Kuqezinjtë triumfuan kundër 0-2 Atalantas dhe e mbyllën kampionatin në vendin e dytë, në një kampionat mjaft të mirë të zhvilluar prej tyre. Franck Kessie ishte autori i të dy golave, me penallti.
Një fitore e vuajtur, por për Milanin e rëndësishme ishte të shkonte në Champions. Leao goditi shtyllën në pjesën e dytë dhe i la kuqezinjtë me zemër në dorë deri në fund, kur penalltia e dytë u realizua nga mesfushori afrikan që ndëshkoi ish-skuadrën e tij.
Juventusi bëri detyrën kundër Bologna, duke triumfuar 1-4 dhe falë barazimit 1-1 të Napolit në shtëpi me Hellas Verona, bardhezinjtë shkojnë në Champions. Bardhezinjtë e zgjidhën që në pjesën e parë, teksa Chiesa e Morata shënuan dy gola për gjysmë ore.
Rabiot në fund të pjesës së parë realizoi edhe të tretin, ndërsa Morata plotësoi pokerin në vazhdim. Bologna realizoi golin e nderit me Orsolinin në fund. Dramë për Napolin, që shënoi me anë të Amir Rrahmanit në minutën e 60-të.
Nëntë minuta më pas Faraoni përfitoi pasi fitoi duelin me Hysajn dhe i barazoi shifrat. 1-1, rezultat që nuk ndryshoi dhe nderoi Juventusin që shkoi në Champions. Roma barazoi 2-2 me Spezia dhe do të jetë pjesë e Conference League.
