Vendim të mirfilltë të Kryeministrit Edi Rama, e ka cilësuar deputeti demokrat Falmur Noka, lirimin e parakohshëm nga burgu të ish-ministrit të Brendshëm, Saimir Tahiri.
Në një intervistë në studion e lajmeve në “Ora News”, Noka u shpreh se ky vendim është thjesht konfirmim i faktit që drejtësia në Shqipëri është degë e Ekzekutivit dhe bën çfarë e urdhëron “Rilindja” dhe Edi Rama.
“Ne si opozitë nuk është se kemi ndonjë zhgënjim për këtë, për arsye sepse ne i kemi pasur këto pritshmëri, ku Edi Rama pas shpërdorimit të këtyre zgjedhjeve ka qenë i lirë për të vendosur çdo gjë.
Pra, vendimi për të çuar Saimir Tahirin në shtëpi është një vendim i Edi Ramës, sikundër është po Edi Rama ai që vendosi dënimin e Tahirit thjesht për shpërdorim detyre, duke rrëzuar kështu edhe pretencën e Prokurorisë.
Pra, dalja e Saimir Tahirit nga burgu është thjesht konfirmim i faktit që drejtësia në Shqipëri është degë e Ekzekutivit dhe bën çfarë e urdhëron “Rilindja” dhe Edi Rama”, u shpreh ndër të tjera ish-ministri i Brendshëm, Flamur Noka.
Discussion about this post