Në Indi, të paktën 288 persona kanë vdekur në një përplasje mes dy trenave, ndërsa më shumë se 900 janë lënduar.
Incidenti ndodhi në stacionin Balasore në shtetin lindor të Orissa. Vagonët e një treni pasagjerësh dolën nga shinat në shinat e kundërta dhe u përplasën me një tren mallrash.
Të paktën 200 pasagjerë dyshohet se janë bllokuar nën vagona. Më shumë se 100 ekipe shpëtimi janë dërguar në vendin e aksidentit dhe janë angazhuar në operacionet e shpëtimit.
Sipas një rindërtimi fillestar, një duzinë vagonash të Shalimar-Chennai Coromandel Express dolën nga shinat pranë Balesëar duke përfunduar në rrugën e kundërt.
“Një tren nga Yeswanthpur në Howrah u përplas me ato vagona duke shkaktuar daljen nga shinat e 3-4 vagonave të tij,” tha zëdhënësi i Hekurudhave Amitabh Sharma. Një tren i dytë pasagjerësh do të përfshihej gjithashtu në fatkeqësi, por dinamika e ngjarjeve nuk është ende e qartë.
Mediat lokale treguan imazhe të një vagoni treni të përmbysur në anë të shinave me ata që dukej se ishin të mbijetuar në majë të vagonëve të trenit të përmbysur dhe banorë vendas që përpiqeshin t’i ndihmonin ata të largoheshin.
“Ne presim që operacionet e shpëtimit të vazhdojnë të paktën deri nesër në mëngjes. Nga ana jonë, ne kemi njoftuar të gjitha spitalet e mëdha qeveritare për të ndihmuar të plagosurit,” tha një zëdhënës i qeverisë së shtetit Orissa, ndërsa autoritetet kanë njoftuar tashmë kompensimin për viktimat.
Kryeministri indian Narendra Modi u shpreh se ishte “i pikëlluar nga përplasja e trenit”.
“Në këtë kohë pikëllimi, mendimet e mia janë me familjet e pikëlluara. Qofshin të plagosurit shëruar së shpejti. Fola me ministrin e Hekurudhave Ashwini Vaishnaw, dhe vlerësova situatën,” shkroi ai në Twitter.
Discussion about this post