Gjatë ditës së sotme do të mbetemi në ndikimin e masave ajrore me origjinë jugore, të cilat do të kushtëzojnë kthjellime dhe temperatura relativisht të larta në territor. Këto kushte atmosferike vijojnë thuajse gjatë gjithë ditës, përjashtim bëjnë vetëm zonat veriore dhe skaji juglindor ku pas mesditës do ketë kalime vranësirash të lehta.
Sipas MeteoAlb, temperaturat e ajrit rriten me të paktën 2 gradë në mëngjes dhe mesditë, duke bërë që vlerat ditore të luhaten nga 10°C deri në 32°C.
Era do të fryjë mesatare me shpejtësi 45 km/h kryesisht nga drejtimi jugor duke krijuar në det dallgëzim 4 ballë.
