Njësoj si nxitimi i konfirmimit të saj në detyrë ditën e seancës dëgjimore, 3 ditë para lirimit të Saimir Tahirit, në vendimin e gjyqtares Matilda Fetau ndaj këtij të fundit, duket i njëjti nxitim.
Përcaktimi i gjykatës së Elbasanit për adresën ku do të kryejë pjesën e mbetur të dënimit ish-ministri i Brendshëm, është fiktiv. Saimir Tahiri rezulton ta ketë shitur apartamentin në Selite dhe tashmë ai ka një pronar tjetër. Praktikisht, policia, Shërbimi i Provës dhe drejtësia s’kanë një adresë zyrtare ku rri Saimir Tahiri.
Saimir Tahiri do të kalojë rreth 20 muajt e mbetur të dënimit prej 3 vitesh e 4 muajsh, në banesën e tij, me të drejtën siç tha Maks Haxhia, avokati që e mbron, që nëse i paraqiten rrethanat e domosdoshme, mund të dalë edhe jashtë vendit.
Në vendimin e shkurtuar të Gjykatës së Elbasanit, me trupë Matilda Fetaun, thuhet se kjo banesë ku Tahiri duhet të qëndrojë, ndodhet tek rruga “Kodra e Diellit” pallati nr 3 në Tiranë. Por në fakt, vendimi ka qenë fiktiv.
Ashtu sikurse u evidentua nxitimi që tregohej se gjyqtarja Fetau që u konfirmua në detyrë ditën e seancës dëgjimore ndaj saj, duke krijuar edhe një precedent në vlerësimin në 3 shtylla nga Komisioni i Vetingut, vetëm tre ditë para se të lironte nga burgu Saimir Tahirin, edhe në vendimin e saj për përcaktimin e adresës së banimit të ish-ministrit të brendshëm, konstatohet ky nxitim.
Kjo certifikatë pronësie me firmë dhe vulë të Zyrës së Regjistrimit të Pasurive të Paluajtshme, tregon se apartamenti është shitur dhe se ka një tjetër pronar.
Edhe burimet e Syri TV konfirmojnë të njëjtin fakt, që apartamenti që i deklaruar i Tahirit në Selitë, nuk është më në pronësi të tij. Praktikisht, shërbimi i provës, policia e shtetit dhe drejtësia nuk kanë një adresë se ku qëndron Saimir Tahiri dhe se ku do duhet të drejtohen për të verifikuar zbatimin e vendimit nga i pandehuri./SYRI.net
Discussion about this post