Në mesin e prillit, Jamie Foxx pësoi një komplikacion të rëndë dhe u desh të shtrohej në spital. Gjatë urgjencës së tij, ai u dërgua në një qendër të specializuar për t’u shëruar. Në orët e fundit, një mosmarrëveshje ka lindur për gjendjen e tij, me gazetarë që pretendojnë se ai ishte “i verbër dhe i paralizuar” dhe ia atribuonin këtë vaksinës COVID-19.
Personi i ngarkuar për përhapjen e thashethemeve ishte A. J. Benza, i cili ka qenë gjithmonë i lidhur me aferat e Hollivudit dhe është në qendër të polemikave për shkak të miqësisë së tij me producentin Harvey Weinstein, producentin famëkeq të filmit i dënuar për abuzim seksual.
Siç pretendon gazetari, ylli i ‘Django Unchained’ nuk ka dashur të marrë vaksinën kundër COVID-19 dhe këtë e ka bërë vetëm me insistimin e producentëve të filmit që po xhironte.
Polemikat rreth fjalëve të Benzës nuk mbarojnë me kaq, pasi përveçse përgënjeshtron versionin e dhënë nga Corinne, vajza e aktorit, ai pretendon edhe se Foxx-it i është bërë mpiksje gjaku në tru për shkak të vaksinës.
Sipas tij, dhe ndryshe nga sa u njoftua nga familja e Foxx, është gënjeshtër se aktori 55-vjeçar ka javë që është jashtë spitalit.
Këto pretendime kanë nxitur zemërimin e fansave të aktorit, të cilët po bëjnë thirrje në rrjetet sociale që Benza të paditet sapo Jamie Foxx të përfundojë shërimin e tij./SHQIP
Discussion about this post