Atalanta Gjimshitit barazon në ‘frymën’ e fundit, bindin Lille dhe Sevilja

Kanë përfunduar ndeshjet e fazës së grupeve në Champions League këtë mbrëmje, ku skuadrat luftuan mes tyre deri në minutat e fundit.

Lille ia doli të dominojë austriakët e Salzburg me rezultatin 1-0, në ndeshjen që vendmitar ishte goli i David për francezët që u shënua që në pjesën e parë.

Zeniti në transfertë ia ka dalë të barazojë kundër Malmo vetëm në minutat e fundit. Rusët edhe pse në disavantazh numerik ia dolën të barazojnë kundër suedezëve vetëm në minutat e fundit.

Wolfsburg këtë mbrëmje udhëtuan në transfertë për tu përballur me Seviljën, takim që u fitua nga këta të fundit me rezultatin minimal 1-0.

Atalanta e mbrojtësit të Kombëtares shqiptare, Berat Gjimshiti këtë mbrëmje u përball me Young Boys, takim që përfundoi me barazimin 3-3.

Miqtë italianë ishin të parët që hapën serinë e golave me Zapatan që në minutën e 10’ por Young boys barazoi shifrat me Sibetcheu, për ta mbyllur pjesën e parë në shifrat 1-1.

Pjesa e dytë nisi në sulm nga skuadra e Gasperinit, që arritën të gjejnë golin në minutën e 51’ me Palominon, por Young Boys shënon dy gola të shpejtë në minutat 80’ dhe 84’.

Për Atalantën do të mendonte Muriel, që barazon shifrat në 3-3 vetëm në minutën e 88’ falë golit të Muriel, gol që shënoi dhe fatin e takimit.

Gasperini e mendoi të vlefshme ndihmën e Gjimshitit, dhe e aktivizoi atë në minutën e 71’, por shqiptari nuk arriti të lërë gjurmë në këtë mbrëmje të Champions League.