Përtej luftës, Rusia ndalon edhe operacionet për ndryshimin e seksit

Në Rusi, Duma miratoi në leximin e parë një projektligj që ndalon operacionin e ndryshimit të seksit, me cilësimin “përveç trajtimit të anomalive kongjenitale tek fëmijët”.

Lajmi është bërë i ditur nga agjencia shtetërore ruse e lajmeve Tass.

Përveç kësaj, zyra e gjendjes civile do të ndalohet të bëjë ndryshime në dokumentet personale bazuar në certifikatat mjekësore të ndryshimit të gjinisë.

Deputeti i partisë së Putinit “Rusia e Bashkuar”, Pyotr Tolstoy, tha se ligji i propozuar ka të bëjë me “ngritjen e një pengese për depërtimin e ideologjisë perëndimore kundër familjes “.

“Unë me të vërtetë dua që fëmijët që tani po mbrojnë nderin e Rusisë me jetën e tyre të shkojnë në shtëpi dhe të shohin se vendi ka ndryshuar,” tha ai në Telegram, sipas AFP, duke iu referuar ushtarëve rusë të dërguar për të luftuar në pushtimin e Ukrainës.