Lionel Mesi është rrëfyer për aventurën e tij të re tek PSG, adaptimi në skuadër, objektivat, faktin e të qënurit favorit në Champions dhe rivalitetin në të kaluarën me Cristiano Ronaldon.
“Tani jam shumë mirë. Jam plotësisht i ambientuar që kur hymë në shtëpinë tonë të re dhe fëmijët nisën shkollën dhe rutinën e përditshme. Na u desh të bënim edhe shumë udhëtime në Argjentinë për kualifikueset, të cilat na penguan që të kishim vazhdimësinë e ndeshjeve këtu, por jam ambientuar mirë.
Të gjithë thonë se ne jemi favoritët e mëdhenj dhe unë nuk e mohoj këtë. Ne jemi një nga kandidatët në letër, por duhet të përmirësohemi ende për t’u bërë vërtetë një skuadër e fortë. Duhet të përfundojmë konsolidimin si skuadër dhe kemi avantazhin e të pasurit lojtarë të shkëlqyer për ta bërë këtë. Por, nuk jemi vetëm ne, ka ekipe të tjera të shkëlqyera kandidate.
Liga e Kampioneve është një kompeticion shumë i vështirë dhe kjo e bën kaq të bukur dhe special. Skuadrat më të mira luajnë këtu dhe ajo po bëhet gjithnjë e më e vështirë si turne. Po, jemi mes favoritëve, por jo të vetmit.
Tani, Liverpuli është duke luajtur shumë mirë. Ata duken sërish si Liverpuli që fitoi Champions-in. Pastaj janë Mançester Siti, Bajerni i Mynihut, Reali dhe Atletiko e Madridit. Ka shumë ekipe që mund të luftojnë për Champions-in, që është një prej kompeticioneve më të ekuilibruara dhe rivalizuara këto vitet e fundit, sepse ka shumë skuadra që mund ta fitojnë.
Ka kaluar një kohë e gjatë që kur ne nuk luajmë më në të njëjtin kampionat. Kemi konkurruar individualisht dhe si skuadër për të njëjtat objektiva. Ishte një periudhë shumë e bukur për ne, por edhe për tifozët, sepse ata e shijuan shumë. Është një kujtim i bukur që do të mbesë në historinë e futbollit”, tha Lionel Messi.
Discussion about this post