Skuadra e Milanit ka siguruar një fitore shumë të rëndësishme ndaj Atletiko Madrid në transfertë. Kuqezintë mundën spanjollët me shifrat minimale 1-0 duke rihapur llogaritë në grupin B. Messias në minutën e 87 të takimit ishte heroi i italianëve duke i dhuruar tre pikë të arta. Me këtë fitore Milani ngjitet në vendin e tretë në renditje dhe ka shanse për të siguruar pjesëmarrjen në fazën me eliminim direkt.
Liverpooli luante për prestigj në këtë duel teksa arriti të thyente portugezët të cilët kërkonin një rezultat pozitiv. Mesfushori Tiago Alkantara kaloi në avantazh anglezët teksa për të vulosur fitoren e Liverpoolit mendoi Muhamed Salah në të 70 minutë. Skuadra e trajnerit Jurgen Klopp kontrolloi ndeshjen deri në fund duke rrëmbyër fitoren e radhës dhe ngjitet në kuotën e 15 pikëve në grupin B.
Discussion about this post