Mjeku i njohur Ilir Alimehmeti ka publikuar një studim të kryer nga ndërkombëtarët për nivelin e rrezikshmërisë nga variantet e reja të covid-19. Studiuesit kanë dalë në përfundimin se, një person që ka kaluar njëherë koronavirusin është mbi 90% i mbrojtur edhe përball varianteve të reja. “Rezultatet: risku kombëtar i ri-infektimit rezultoi 1.03%, nga të cilat 15.949 ri-infektime të dyshuara për herë të dytë dhe 80 ri-infektime të dyshuara për herë të tretë. Pra, efektiviteti i mbrojtjes nga ri-infektimi për periudhën totale në studim rezulton: 100% – 1.03% = 98.97%”, shkruan mjeku.
Sipas Alimehmetit, studimi ka dalë në përfundimin se asnjë mutacioni i covid nuk e kapërcen dot imunitetin natyral që kanë krijuar qytetarët. Por edhe nëse ndodh ata nuk janë trasmetuese dhe shpesh e kalojnë pa simptoma.
“Autorët dalin në përfundimet e rëndësishme e të pritshme: Deri më sot, nuk gjejmë asnjë evidencë që risku i infektimit të jetë më i lartë si rrjedhojë e varianteve Beta apo Delta, që sugjeron se Avantazhi që i lejoi këto variante të përhapeshin ka ardhur kryesisht nga trasmetueshmëria më e lartë e tyre, por jo nga kapërcimi i mbrojtjes imunitare. Dalim në përfundimin se nuk ka asnjë evidencë epidemiologjike në shkallë popullate që variantet e kapërcejnë mbrojtjen imunitare dhe rekomandojmë monitorimin e vazhdueshëm të ecurisë”, shkruan mjeku, ndërsa bënë thirrje për më shumë vaksinim dhe iu kërkon qytetarëve që të mos humbasin vigjilencën.
Discussion about this post