Çifti i show-bizit, Alban Skënderaj dhe Miriam Cani, kanë publikuar këngën e tyre më të re. Lajmin për linçimin e këtij bashkëpunimi e ka dhënë vetë Albani, teksa tregon se “Zemër përmbi zemër” mban titullin, e cila është ritmike e zhanrit R&B.
Sakaq, bëhet me dije se, producent i këngës është Lorenc Aliaj, ndërsa me melodinë dhe tekstin është marrë vetë Albani, sigurisht me idetë e dhe nga partnerja e tij. Kompozitori Elgit Doda ka dhënë gjithashtu një dorë në krijimin e kësaj kënge, përkatësisht incizimin e vokaleve. Mësohet se, kënga është vizualizuar edhe me një klip të freskët dhe me plot ngjyra, në të cilin çifti vijnë me një performancë mjaft interesante.
Albani dhe Miriami janë të njohur për duetet e shumta, të cilat gjithmonë priten mirë nga publiku dhe janë vlerësuar si çifti më i vërtetë dhe i bukur i show-bizit shqiptar.
Discussion about this post