Spanja ka bërë detyrën, duke triumfuar ndaj Islandës, në takimin e vlefshëm për raundin e parë të fazës në grupe, të Kampionatin Europian të moshave deri në 19 vjeç, i cili po zhvillohet në Maltë.
Iberikët fituan me shifrat 2-1, me golat që u shënuan nga një për çdo pjesë, nga “La Furia Roja”, që tashmë barazoi me pikë, Norvegjinë në krye të grupit.
Takimi mes të dy kombëtareve, nisi me ritëm mesatar, me skuadrat që menduan të studionin njëra-tjetrën.
Megjithatë, baraspesha nuk zgjati, relativisht shumë, teksa në minutën e 16’, Spanja kaloi në avantazh, falë Gasiorowski, që mposhti me zgjuarsi portierin kundërshtar.
Islanda tentoi në të gjitha mënyrat, për të barazuar rezultatin, me sulmet e tyre që u bënë më të shpeshta por, jo efikase mjaftueshëm, për të vënë në rrezik të madh, mbrojtjen spanjolle.
Me avantazhin 1-0 të “Furisë së Kuqe”, u mbyllën 45 minutat e para, në stadiumin e 100-vjetorit, në Ta’Qali.
Në minutën e dytë, pas rikthimit të skuadrave në lojë, Spanja shënoi dhe golin e dytë, me autor Barberan.
Pavarësisht, sigurisë së akumuluar nga dy golat e shënuar, spanjollët nuk u ndalën, duke sulmuar në kërkim të golit të tretë.
Islanda, nuk arriti të rrezikonte shumë, portën spanjolle, duke mbetur për më tepër me dhjetë futbollistë, pas daljes me karton të kuq (i dyti i verdhë), të Brynjolfsson.
Në minutën e 91’, megjithatë, ishullorët e gjetën golin (Thorsteinsson A.), por ishte shumë vonë sepse spanjollët u mbrojtën mirë, duke siguruar tre pikët e para në këtë turne./m.b /gijotina.com
Discussion about this post