Ditën e sotme ka rënë në prangat e policisë Aldor Nini, drejtuesi i Acromax Media. Sipas njoftimit të policisë ai është arrestuar për shkak të një denoncimi nga bashkëjetuesja e tij. Nini akuzohet se ka dhunuar dhe përndjekur vazhdimisht atë. Madje ajo e akuzon se ai ka publikuar një video persona të sajën dhe i bënte shantazh.
“Specialistët për Hetimin e Krimeve të Komisariatit të Policisë Nr. 4 arrestuan shtetasin A. N., 40 vjeç, pasi ka përndjekur dhe dhunuar vazhdimisht bashkëjetuesen e tij, si dhe dyshohet se ka publikuar një video të saj, pa pëlqimin e saj. Materialet i kaluan Prokurorisë, për veprime të mëtejshme procedurale”, njofton Policia e Tiranës.
I specializuar për programe e software, Aldor Nini sipas policisë në disa raste të përsëritura kishte shantazhuar persona të tërë nëpërmjet krimit kibernetik. Ndërkohë, dhuna ndaj familjes ishte një fenomen i përsëritur. Në shtator 2022 u dënua për përndjekje, kërcënime, dhunë edhe nga ish-bashkëshortja Anxhela Faber.
Çfarë thotë referimi i veprës penale që Anxhela Faber ka kallëzuar ndaj Aldor Ninit?
Anxhela denoncon Ninin dhe tregon historinë e saj, sikur dhjetëra vajza shqiptare: “…ish bashkëjetuesi im më përndjek kohët e fundit në mënyrë të vazhdueshme kur unë lëviz dhe shkoj në punë dhe në lëvizjet e mia private dhe unë e kam parë që më ka ndjekur nga pas”.
Anxhela dyshoi se në mjetin e saj mund të ketë një pajisje e cila kontrollon lëvizjet e sa.Ajo shkoi në Postën e policisë me BMË-ën e saj dhe aty policia gjeti në pjesën e poshtme të pasme të mjetit në afërsi të prapakolpit fiksuar me magnet një paisje si ato të GPS.
Kaq duhet të mjaftonte për prokurorin (e deputetes Felaj) Valikaj, që ta plaste direkt në burg, persekutuesin me “çip”, Aldor Nini. Por jo, ai ja kaloi topin ‘Nini’ prokurores Mariola Mërtiri, hetuesja e çështjes, e cila ka tetë muaj që “heton” çipin e Aldorit/autorit e nuk gjen dot nëse track-uesi lidhej me telefonin apo laptopin e tij.
Duket se prokuroria ka nisur hetimet për të gjithë këtë çështje dhe tani pritet të shohim masat që do të merren më pas.
Discussion about this post