Deputeti socialist Rraman Rraja ishte një nga të ftuarit në ceremoninë në nder të ish-Presidentit Bill Clinton. Madje Rraja ndodhej në rreshtat e parë të të ftuarve, pothuajse në krah të Alex Soros. Natyrisht që pjesëmarrja e deputetit të PS nuk tërhoqi vëmendjen ditën e ceremonisë. Por një ditë më pas djali dhe vëllezërit e Rrahman Rrajes u përfshinë në një ngjarje të rëndë, teksa shfaqeshin me armë në duar dhe shkopa bejsbolli duke dhunuar dy qytetarë.
Gazetarja Ola Xama ka bërë një paralelizëm mes ngjarjes në Borizanë të Fushës Krujës dhe pjesëmarrjes së deputetit Rraja në ceremoninë në nder të ish-Presidentit amerikan.
“Fisin Rraja, Partinë Socialiste dhe SHBA i bëjnë bashkë vlerat e demokracisë, funksionimit të shtetit ligjor dhe humanizmit!”, shkruan me ironi gazetarja në rrjetin social.
Postimi i Ola Xama
Nga pamjet e rrahjes së dy njerëzve të pafajshëm në Fushë-Krujë kuptuam që:
-Drejtimin e Policisë së Shtetit në atë zonë vazhdon ta ketë fisi Rraja.
– Pas historisë me Xhisielën, licencat në gurore dhe aktivitete të tjera të kësaj familje u shtuan.
-Fuqia dhe pushteti iu rrit sidomos pas atentatit ndaj një prokurori.
– Nëse ndonjë nga këta vjen dhe të dëmton shtëpinë, jepi çelësat.
– Video e forcës në atë zonë do të shtojë votat edhe më shumë për socialistët në vitin 2025.
– Deputeti Rraja e siguron sërish një mandat në listat e socialistëve.
– Deputeti Rraja është më i rëndësishëm se të gjithë deputetët demokratë të rithemelimit, pasi ai u ftua në ceremoninë shtetërore të pritjes së ish-Presidentit Klinton dhe ata jo.
– Fisin Rraja, Partinë Socialiste dhe SHBA i bëjnë bashkë vlerat e demokracisë, funksionimit të shtetit ligjor dhe humanizmit!
Discussion about this post