Trajneri i BATE Borisov, Kirill Alshevsky foli në konferencën e shtypit përpara sfidës së raundit të parë në Champions League me Partizanin ku deklaroi:
“Fillimisht dua të them që jam shumë i impresionuar nga stadiumi i ri “Air Albania”. Është një kompleks fantastik. Pres më të mirën nga skuadra ime. Fakti qe ndeshjen e kthimit e luajmë në Hungari, na penalizon.
E vlerësoj shumë Partizanin, një rival shumë i rrezikshëm por nuk e njoh mirë si skuadër pasi nuk e kam ndjekur shumë këtë verë. E di që ka ndryshuar trajner por vetëm kaq.
Shpresoj shumë qe forma të jetë në rritje. Nëse tregojmë futboll cilësor atëherë për mua do të jetë një sinjal pozitiv dhe do të pranoja edhe një barazim”.
Discussion about this post