Vangjeli: Ahmetaj viktimë e miqve dhe armiqve, ja çfarë pritet

Analisti Lorenc Vangjeli tha në emisionin “Opinion” se Arben Ahmetaj është viktimë e miqve dhe armiqve të tij.

Vangjeli tha se Ahmetaj u ndëshkua fillimisht nga të tijët, duke u shkarkuar nga postet qeveritare, ndërsa u shpreh se rasti i ish-zv.Kryeministrit është nga ato ku po ndëshkohet me “drejtësi populiste”.

“Në rastin e Ahmetajt dyshimi është vendosur në anën e të akuzuarit, pa u provuar”, tha Vangjeli.  Ai tha se ka pasur komunikime me Ahmetajn dhe ka kuptuar se nuk do t’I shmanget armikut.

“Ahmetaj e ka kuptuar se i ka të gjithë kundër, por do të luftojë deri në fund ligjërisht, pra nuk do t’i shmanget hetimit”, tha Vangjeli.

Në vijim ai paralajmëroi se goditja e rradhës do të jetë në anën tjetër. “Parashikoj një goditje në oborrin e afërt të z. Berisha”, tha Vangjeli.