Këshilli i Mandateve vijon mbledhjen me dyer të mbyllura lidhur me kërkesën e SPAK për arrestimin e deputetit Arben Ahmetaj.
Pasi prokurori Altin Dumani ka paraqitur kërkesën prej 12 faqesh, deputeti Gazment Bardhi e ka pyetur nëse po hetohet ose jo Kryeministri Edi Rama lidhur me aferën e inceneratorëve.
Por nga SPAK nuk ka marrë përgjigje. “Kemi të bëjmë me sekret hetimor”, ishte përgjigjia e përfaqësuesve të Prokurorisë Speciale.
Në vijim Gazment Bardhi ka pyetur nëse Arben Ahmetaj mund të bënte këto veprime pa pasur mbështetjen e pushtetit të Edi Ramës?
Lidhur me pretendimin e SPAK mbi përfitimin e një vile në Palasë nga Arben Ahmetaj, bardhi pyeti nëse kjo çështje ka lidhje me Unazën e Madhe dhe a janë veçuar apo jo çështjet?
Gjithashtu Gazment Bardhi ka pyetur prokurorët nëse për inceneratorin e Tiranës po hetohet kryebashkiaku Erion Veliaj. Sërisht nga SPAK ka ardhur përgjigjia e sekretit hetimor.
“Pyetjet përbëjnë sekret hetimor, nuk japim të dhëna”, janë përgjigjur përfaqësuesit e SPAK, Altin Dumani dhe Enkeleda Millonai.
Lidhur me pyetjen e bërë në fillimin e mbledhjes nëse SPAK e dinte vendndodhjen e Arben Ahmetajt, prokurorët thanë se nuk kanë asnjë informacion.
Discussion about this post