Kryeministri Edi Rama foli sërish për vatra zjarri në Kosovë, teksa ishte i ftuar në një panel të organizuar në kuadër të samitit të NATO-s.
Rama tha se tensionet në veri të Kosovës janë një vatër zjarri për një konflikt të ri në rajonin e Ballkanit Perëndimor.
Nga Vilniusi i Lituanisë ku po merr pjesë në Samitin e NATO-s, gjatë një bashkëbisedimi, Rama tha se vijimi i dialogut mes Serbisë e Kosovës është jetik për sigurinë dhe paqen në rajon.
Ndërsa Kurti është tallur indirekt me Ramën, duke postuar foto nga ‘Ballkoni i Hapur’ i qeverisë, duke ironizuar kësisoj ‘Ballkanin e Hapur’.
“Një pasdite e këndshme në Ballkonin e Hapur të Qeverisë, me Presidenten, Kryekuvendarin, zëvendëskryeministren Gërvalla dhe zëvendëskryeministrin Bislimi,” shkruan Kurti.
Kujtojmë se mes kryeministrit të Shqipërisë Edi Rama dhe atij të Kosovës Albin Kurti ka pasur jo pak tensione. Rama nuk u prit në takim nga Kurti në Prishtinë.
Discussion about this post