Ballkani i Suharekës, i drejtuar nga trajneri shqiptar Ilir Daja mori një fitore spektakolare ndaj bullgarëve të Ludogorets në sfidën e parë kualifikuese të UEFA Champions League.
Në takimin e zhvilluar në Prishtinë të besuarit e timonierit kavajas triumfuan 2-0 ndaj një ekipi me histori në këtë kompeticion.
Por pavarësisht fitores dhe ndeshjes fantastike të zhvilluar nga Ballkani, sërish ka kritika. Më saktësisht Ismet Munishi, “mjeshtër i midhjes” nga ato anë, nuk i ndal kritikat ndaj Dajës, teksa thekson se ai nuk do të përsëris suksesin e vitit të parë dhe se nuk është Pep Guardiola.
“Problem e ka me përsëritë suksesin e vitit të kaluar, sepse i kanë ra ‘shtrafat’ (vidat/bulonat). Nuk e ka atë lojën që e ka pasur. E keni bërë trajnerin Ilir Daja si Pep Guardiola. Thua ti ai e ka shpikur futbollin dhe futbolli ka mbaruar me të”, ka theksuar Munishi.
Fakti që ilir Daja ka triumfuar dy herë në Superligën e Kosovës, sjell inat te trajnerët vendas.
Discussion about this post