Carlo Ancelotti mbron Superligën duke thënë se ‘futbolli duhet të ndryshojë’ dhe këmbëngul se Florentino Perez ka ‘synime serioze për korrikun’ me Erling Haaland dhe Kylian Mbappe të lidhur me një lëvizje në Madrid.
Yjet e Norvegjisë dhe francezëve janë lidhur me një transferim në Santiago Bernabeu, por tekniku italian refuzon të diskutojë të ardhmen e tyre ose t’i përgjigjet drejtorit të PSG-së, Leonardo, i cili kishte pretenduar se ‘Los Blancos’ duhej të ishin dënuar për bisedime me Mbappe pa pëlqimin e klubit të tij.
“Le të flasim për Mbappe dhe Haaland më vonë”,-tha Ancelotti për ‘Il Corriere dello Sport’.
“Disa kohë më parë do të isha përgjigjur ndryshe, por kam hyrë në një moment të jetës sime ku preferoj të jem në paqe me botën, nuk kam kohë për mosmarrëveshje”.-theksoi ai duke iu drejtuar kështu drejtorit të PSG-së.
Megjithatë, trajneri italian pranon gjithashtu se Perez ka plane të mëdha për verën.
“Thirrja e Real Madridit ishte një surprizë e mahnitshme. Nëse do të ishte në dorën time, do të qëndroja përgjithmonë, nuk ka vend më të mirë se Real Madridi për futboll.”-shtoi Ancelotti./K.T/Gijotina.com
Discussion about this post