Temperaturat, që sipas parashikimeve sot kanë shkuar në 42 gradë celsius në Berat, kanë bërë që pjesa më e madhe e beratasve të preferojnë ti kalojnë në shtëpi orët e pikut, për të dalë e për tu freskuar mbrëmjeve kur temperaturat janë disi më të përballueshme për ta.
Në rrugët e qytetit janë të shumtë turistët, të cilët i sheh duke u freskuar lokaleve, ullishteve e shatërvanëve. Po kështu, në lulishten e qytetit shihen këto ditë të nxehta pensionistët, që freskohen nën hijet e pemëve, duke luajtur domino.
I vetmi ambient ku qytetarët beratas mund të freskohen për të përballuar temperaturat e larta të ditëve të fundit është lulishtja e qytetit,brenda të cilës ndodhet edhe një shatërvan i vogël ku ata freskohen.
Banorët shprehen se,lulishtja në qendër të qytetit është i vetmi vend ku ata mund të freskohen,edhe pse dalin vetëm disa orë paradite dhe në darkë, duke shmangur orët e pikut. Sipas tyre, hijet e pemëve të lulishtes janë i vetmi vend ku ata mund të freskohen, pasi me pensionet që marrin ata pohojnë se e kanë të pamundur të shkojnë nëpër plazhe,për shkak të çmimve të larta.
Qytetarët pohojnë se temperaturat sivjetshme janë më të larta e shumë viteve të fundit, aq sa edhe në hije është tmerr nga vapa.
Discussion about this post