Ballkani do të sfidojë Ludogoretsin sonte në mbrëmje në ndeshjen e kthimit të vlefshme për turin e parë në Champions.
Skuadra e Ilir Dajës triumfoi në sfidën e parë me shifrat 2-0, falë golave të Korenicës dhe Zyba.
Kampionët e Kosovës do të kërkojnë të ruajnë rezultatin për tu kualifikuar në turin e dytë në Ligën e Kampioneve.
Shumë skuadra të Kosovës janë paraqitur në kualifikueset e Ligës së Kampionëve, por asnjëherë asnjëra nuk ka arritur ta ‘shkel’ raundin e dytë.
Klube si Trepça ’89, Drita dy herë, Prishtina dhe Ballkani tashmë për herë të dytë kanë qenë ekipet që kanë prezantuar Kosovën në Ligën e Kampionëve.
Megjithatë, edhe përkundër fitoreve dhe rezultateve pozitive, asnjëherë nuk është kaluar raundi i parë, pasi gjithmonë ekipet janë eliminuar ose kanë kaluar vetëm raundin e parë para-kualifikues.
Këtë sukses të madh apo historik po synon ta arrijë kampioni i dyfishtë i Superligës së Kosovës, Ballkani, i cili është në rrugën e duhur.
Discussion about this post