Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, raporton se në 24 orët e fundit kanë rezultuar pozitivë 9 qytetarë nga 1.591 testime të kryera. Ndërkohë si duket pandemia vjen drejt përmisimit në Kosovë, pasi nuk është shënuar asnjë viktimë nga Covid-19 në 24 orët e fundit. Numri i rasteve aktive në të gjithë vendin është 334.
Gjithashtu, janë shëruar 10 qytetarë, derisa numri i përgjithshëm i të shëruarve është 157.758. Në 24 orët e fundit janë dhënë 1.898 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 1.614.212 doza të vaksinës. Deri më sot 761.003 qytetarë janë vaksinuar me dozën e dytë në Kosovë.
Discussion about this post