Ish-drejtori i Policisë së Malit të Zi, Veselin Veljoviç, është arrestuar mëngjesin e sotëm në një aksion të Departamentit Special të Policisë me urdhër të Prokurorisë Speciale të Shtetit.
Veljoviç është arrestuar në bashkëpunim me Agjencinë e Bashkimit Evropian për Bashkëpunim në Zbatimin e Ligjit (EUROPOL), shkruan Vijesti.
Policia ka kontrolluar banesat dhe shtëpitë e Veljoviçit në Podgoricë, Mojkovac, Zhabljak dhe Nikshiq që herët në mëngjes.
Veselin Veljoviç ka qenë drejtor i Drejtorisë së Policisë nga vera e vitit 2007 deri në vitin 2011 dhe më pas në periudhën prej 30 korrikut 2018 deri më 17 dhjetor 2020 ka qenë njeriu i parë i policisë malazeze në mandatin e tij të dytë.
Discussion about this post