Kryetari i Partisë së Lirisë, Ilir Meta foli pas përfundimit të takimit me kreun e PD, Sali Berisha.
I pyetur nga gazetarët për vijimin e aksionit opozitar, Meta theksoi se “Rruga e protestave është një rrugë e domosdoshme, një mënyrë që shoqëria të shprehë lirshëm indinjatën e saj.
Vendimi ynë është për të vazhduar pa ndërprerje për të denoncuar aferën më të madhe, atë të djegësave. Vendosjen para drejtësisë të përgjegjësve për aferën.”
Gjithashtu, në lidhje me pyetjen për lobimin e ish-LSI-së në Shtetet e Bashkuara, dhe thirrjen e nënkryetarit të Partisë së Lirisë në Prokurorinë e Posaçme SPAK, Meta u shpreh se “nuk ka asnjë shqetësim në lidhje me drejtësinë.
Përkundrazi, afera e inceneratorëve…Problemi i shqetësimit kryesor është se paratë e qytetarëve digjen lumë nga korrupsioni. Përgjegjësinë për aferën e inceneratorëve e ka ai që vazhdon akoma garantimin e kësaj afere.”, tha Meta.
Discussion about this post