Është mbyllur takimi i parë i turit të dytë kualifikues të Conference League mes Beshiktashit dhe Tiranës, i luajtur në qytetin më të madh të Turqisë, Stamboll.
Dueli mes bardhezinjve dhe bardhebluve, u mbyll me fitoren minimale të të parëve, me rezultatin 3-1.
Kjo sfidë, pritej që të ishte e vështirë për “Gjigandin e Europës Juglindore”, me pjesën e parë të takimit që dha përshtypjen se çështrja e kualifikimit do të mbyllej që në sfidën e vajtjes.
Megjithatë, djemtë e Orges Shehit, “nuk kishin qejf” që të ishin viktimë sakrifikale në mes të “Vodafone Park”.
Dueli i kësaj mbrëmje u zhbllokua nga Beshiktashi në minutën e 21′, falë Bulut që goditi saktë në qendër të zonës.
Bardheblutë e kryeqytetit, nuk u trembën, duke tentuar gjetjen e barazimit, megjithatë fiziciteti i turqve bëri diferencën.
Në fund të pjesës së parë, bardhezinjtë dyfishuan më anë të Muleka. Në pjesën e dytë, Tirana u “zgjua nga gjumi” duke patur më shumë iniciativë në krarahasim me fraksionin e parë të lojës.
Pas disa sulmesh jo efikase, djemtë e Shehit shkurtuan diferencën me anë të Kaina, në minutën e 83′, duke bërë që të kishte shpresë dh për një barazim të rezultatit.
Fatkeqsisht, për ekipin shqiptar, Beshiktash shënoi në kohën shtesë me anë të Kilicsoy, duke i çuar shifrat në 3-1. Kjo ishte një humbje e rëndë për Tiranën, por në ndeshjen e kthimit, në “Air Albania Stadium”, bardheblutë pritet që të zbresin në fushë me dëshirën e madhe për të tentuar surprizën e madhe.
Discussion about this post