Alma K. ka përfunduar dëshminë në SPAK. Ajo ka dëshmuar për 8 orë në Prokurorinë e Posaçme.
Nga raportimet mësohet se hetuesit e BKH, në prani të prokurores së SPAK, Manjola Kajana, kanë marrë në pyetje Alma. K, personazhin në video-skandalin e ish-Kryebashkiakut Safet Gjici, lidhur me përfshirjen e të tjerë personave në këtë ngjarje.
Më konkretisht SPAK dhe BKH po heton nëse pas video qëndrojnë ose jo të tjerë persona, si dhe qëllimi i regjistrimit të skenave.
Raportohet se Alma.K ka dhënë sqarime mbi takimet me Gjicin, por edhe mbi projektin që ajo ka paraqitur për sterilizimin e qenve të rrugës në Bashkinë e Kukësit.
Gjatë marrjes në pyetje, agjentët e BKH kanë pyetur Alma. K, nëse në “shënjestrën” e saj ka pasur të tjera personazhe ose jo, ndërkohë që interesi më i madh për hetuesit ka qenë nëse ajo është ndihmuar ose jo nga të tjerë persona.
Hetimi për çështjen në fjalë është hermetik, pasi ende nuk kanë rrjedhur informacione mbi dëshminë e 40-vjeçares.
Ditën e djeshme është marrë në pyetje edhe ish-kryebashkiaku i Kukësit, Safet Gjici, i cili vazhdon të qëndrojë në qeli, ndërsa për Alma Kaçin, gjykata ka caktuar masën e sigurisë “arrest shtëpie”.
Kur ka kaluar gati 1 muaj nga skandali, që solli dhe arrestimin e Gjicit, SPAK vijon ende me hetimet për ngjarjen në fjalë.
Të dy kanë pretenduar se kishin një lidhje intime me njëri-tjetrin përpara se të flisnin në zyrën e kryetarit për tender e favorizime pasi kishin kryer marrëdhënie intime.
Discussion about this post