Presidenti i Serbisë, Aleksandër Vuçiç, u pyet sot gjatë një konference nga gazetarët për deklaratën e kryeministrit Edi Rama, i cili foli për një bashkim të dy vendeve në të ardhmen.
Duke shprehur hapur kundërshtinë për këtë deklaratë, Vuçiç u përgjigj se zgjidhja ishte vetëm Bashkimi Europian. Sipas tij, integrimi sa më i shpejtë në BE, do të shpëtonte rajonin nga nacionaklistët dhe se ndryshimi i kufijve sjellë destabilitet në rajon.
“Deklaratat për ndryshimin e kufijve rrezikojnë paqen dhe sigurinë në Ballkanin Perëndimor. E kam thënë shumë herë se kjo e thellon shqetësimin tim. Gjithçka që kemi parë vitet e fundit duhet të shqetësojë të gjithë ata që janë të interesuar për paqen. Përgjigja e vetme për rritjen e nacionalizmit është zgjerimi i BE-së. Edhe Bashkimi Evropian ka përgjegjësi t’i kushtojë shumë më tepër kohë sesa po bën,”, tha presidenti serb. Kujtojmë se dy ditë më parë në Elbasan, kreu i qeverisë shqiptare Edi Rama tha se bashkimi i Shqipërisë dhe Kosovës do të ndodh pa asnjë dyshim.
Discussion about this post