Policia e Shkodrës asgjësoi 810 bimë narkotike cannabis sativa në kuadrin e operacionit të koduar “Forte”.
Bimët narkotike u gjetën të kultivuara në fshatin Bushat.Policia tha se ka arrestuar 30-vjeçarin Elhad Zyberi, i cili kujdesej për narkotikët.
“Gjatë kontrolleve antikanabis, shërbimet e Komisariatit të Policisë Vau i Dejës, bazuar në inteligjencën policore, kanë organizuar dhe finalizuar operacioni policor të koduar “Forte”, si rezultat i të cilit, në fshatin Bushat, Vau i Dejës, janë gjetur dhe asgjësuar 810 bimë narkotike të dyshuara cannabis sativa.
Gjatë operacionit, është kapur në flagrancë, duke u kujdesur për bimët narkotike, njëri nga autorët e dyshuar të kësaj veprimtarie kriminale, shtetasi E. Z., 30 vjeç, banues në fshatin Kosmaç, Vau i Dejës.
Ndërkohë, vijon puna për identifikimin dhe kapjen e shtetasve të tjerë të dyshuar për këtë rast kultivimi”, njofton Policia.
Discussion about this post