Ka përfunduar ndeshja ndërmjet skuadrës së Napolit dhe Lacios në stadiumin “Diego Armando Maradona”. Një sfidë e cila është dominuar totalisht nga vendasit të cilët realizuan katër gola. Zielinski hapi serinë e golave për skuadrën e Napolit në minutën e 7 të takimit. Më pas ishte Mertens tre minuta më vonë i cili dyfishoi rezultatin përpara se të shënonte edhe golin e tretë të sfidës. Në pjesën e dytë nuk pati histori ku Napoli shënoi një tjetër gol me Ruiz. Në këtë mënyrë bardhekaltërit shkëputen në krye të klasifikimit me tre pikë larg Milanit.
Një dominim absolut nga skuadra e Napolit përballë Lacios që po pëson goditjen e radhës në kampionat pas asaj me Juventusin javën e kaluar. Në radhët e skuadrës së Lacios luan si titullar mbrojtësi i kombëtares, Elseid Hysaj teksa portieri Strakosha është në stolin e rezervave. Sa i përket Napolit, është konfirmuar sërish titullar mbrojtësi Rrahmani i cili i’a ka dalë me sukses të ul në stol Manolasin.
Discussion about this post