Skuadra e Real Madrid fitoi me përmbysje ndeshjen e vështirë ndaj Seviljas në “Santiago Bernabeu”. Madrilenët arritën një sukses shumë të rëndësishëm me rezultatin 2-1 duke vijuar kryesimin e kampionatit spanjoll. Reali u gjend në disavantazh në minutën e 12 teksa Benzema në të 32 minutë riktheu ekuilibrat. Në fundin e kohës së rregullt, Vinicius realizoi golin e fitores për skuadrën e Real Madrid që ngjitet në kuotën e 33 pikëve në kampionat, katër pikë më shumë se rivalët e qytetit, Atletiko.
Skuadra e trajnerit Diego Simeone fitoi 4-1 në fushën e Cadiz. Një pasdite spektakolare për los colchoneros teksa serinë e golave e hapi Lemar e pas tij shënuan Grizman, Correa dhe Cunha. Një paraqitje mjaft e mirë e Atletikos që la pas humbjen me Milanin në Champions.
Discussion about this post