Vendi ynë vazhdon të përballet edhe ditën e sotme me reshje të dendura shiu dhe erë të fortë. Moti i keq ka bërë që në shumë qytete të vendit të dëmtohen linjat elektrike dhe të mbeten pa energji. Sakaq, raportohet se prej shumë se katër orësh banorët e fshatit Lazarat po përballen me mungesën e energjisë elektrike dhe OSHEE nuk ka dhënë asnjë reagim për këtë. Madje, nuk iu jepet asnjë përgjigje ankesave të banorëve.
Gjithashtu, probleme me energjinë elektrike ka dhe në fshatrat e Bashkisë Memaliaj prej gati 5 orësh, ndërsa Derviciani ka 24 orë pa drita. Nga ana tjetër, qyteti i Librazhdit ndodhet ‘terr’ prej disa orësh dhe asnjë shpjegim nuk është dhënë edhe për sa orë do të zgjasë kjo gjendje.
Edhe në kryeqytetet disa zona kanë mbetur pa energji elektrike që nga mbrëmja e kaluar. Ndërsa njoftohet se për shkak të motit të keq është e vështirë të bëhen riparimet në rrjetet e dëmtuara.
Discussion about this post