Aksidenti në punë, humb jetën 55-vjeçari. Detajet

Një punëtor i një firme përpunimi mermeri në Skrapar ka humbur jetën si pasojë e një aksidenti në punë.

Ngjarja ka ndodhur në vendin e quajtur Qafa e Devrisë. Viktima është identifikuar si Arben Piro 55 vjeç, banues në Skrapar, i cili ishte i punësuar pranë kësaj firme.

Teksa nuk jep asnjë detaj më shumë për rrethanat e rastit, policia njofton se ka arrestuar dy punonjës të tjerë të kompanisë në pozicione drejtuese.

Të arrestuarit janë Jordan Maçolli 68 vjeç, banues në Tiranë, me detyrë përgjegjës teknik dhe Karail Sterjos, 50 vjeç, banues në Greqi, me detyrë përgjegjës sektori.

Të dy akuzohen për veprën penale “Shkelja e rregullave të mbrojtjes në punë”.