Banorët në Kombinat kanë dhe një ditë kohë për të liruar shtëpitë pasi janë njoftuar nga Bashkia Tiranë se duhet të largohen pasi pritet të ketë ndërtime të reja në funksion të procesit të rindërtimit.
Të shqetësuar për fatin e tyre, banorët thonë se nuk kanë marrë bonus qiraje dhe as nuk janë të informuar nëse do të shpronësohen, ndaj kërkojnë një zgjidhje nga bashkia Tiranë. Sipas tyre, ky njoftim i ka gjetur të papërgatitur pasi në kryeqytet është shumë vështirë për të gjetur shtëpi dhe nuk i përballojnë dot qiratë.
“Nuk jemi gati se nuk kemi marrë bonus qiraje dhe asgjë. Pa u marrë me vesh me këta të bashkisë nuk kam ku shkoj. Nuk kam ku të shkoj. Kam kërkuar për shtëpi me qira dhe nuk ka në asnjë vend, vetëm 350 euro, unë kam katër kalamaj. Bashkia të na gjejë strehë”, u shpreh një nga banorët.
Mësohet se, në zonën e kombinatit janë mbi 300 shtëpi që priten të shemben në funksion të procesit të rindërtimit. IKMT nga ana e saj ka njoftuar se në zonë do të shkojnë më datë 1 dhjetor për të vënë në zbatim njoftimin.
Discussion about this post