Publikohen pamjet e operacionit të arrestimit të një 21-vjeçari shqiptar, i cili akuzohet se kultivonte kanabis në Oksford të Britanisë së Madhe.
I arrestuari është Armond Lika, 21 vjeç, i cili luante rolin e një “fermeri” brenda fermës së kanabisit, që u zbulua në Blackbird Leys.
Nga pamjet e publikuara, shihen forca policore që mësyjnë banesën ku ndodhej i riu shqiptar gjatë një operacioni mbarëkombëtar njëmujor ndaj bandave të organizuara që kultivojnë drogën e klasit B në Britani.
Në videon e postuar në llogarinë në Twitter të policisë, shihen efektivë duke goditur derën kryesore të banesës me forcë, ndërsa Armond Lika tenton të arratiset.
Did you read about Operation Mille in the news today? 👀
ℹ️ Last month we got involved and took part in the operation which was a national campaign to disrupt cannabis cultivation. This is a key income stream for criminal gangs…
1/3 @SouthEastROCU pic.twitter.com/67EhebDYM1
— Thames Valley Police (@ThamesVP) July 6, 2023
Të martën, 8 gusht, Gjykata e Kurorës në Oksford vendosi të dënoj Likën me 8 muaj burg, ndërsa prokurori bëri me dije se rreth 80 bimë u gjetën në shtëpinë e konvertuar në fermë kanabisi.
Fermeri Lika u deklarua fajtor në gjykatën e magjistraturës muajin e kaluar për kultivimin e bimëve, duke thënë se ai kishte ardhur në Mbretërinë e Bashkuar ilegalisht nga Shqipëria dhe ishte detyruar për të punuar në fermën e kanabisit.
Gjykatësi Joseph Hart, shprehu njëfarë habie që Lika nuk ishte referuar në Home Office si një viktimë e mundshme e skllavërisë moderne, duke pasur parasysh rrëfimin e tij se ishte detyruar të kujdesej për bimët.
“Kushdo që ju dënon, dhe nuk do të jem unë, duhet të dijë pak më shumë për ju dhe ata duhet të dinë që ju mund të kuptoni se çfarë po ndodh në gjykatë”, tha në seancën paraprake gjykatësi.
Discussion about this post