Qeveria ka shtyrë me 1 vit kontratën e koncensionit për shërbimin e markimit dhe monitorimit të karburanteve. Vendimi është marrë në mbledhjen e fundit të Qeverisë, ndërsa kontrata e miratuar në 2013-ën përfundonte në 1 gusht 2023. Sipas Qeverisë, kërkesa për shtyrje është bërë nga koncensionari dhe është miratuar në mbledhjen e djeshme të Këshillit të Ministrave.
V E N D I M
PËR
MIRATIMIN E KONTRATËS SHTESË PËR NDRYSHIMIN E KONTRATËS SË KONCESIONIT “PËR SHËRBIMIN E MARKIMIT DHE MONITORIMIT TË KARBURANTEVE, TË LIDHUR NDËRMJET MINISTRISË SË FINANCAVE TË REPUBLIKËS SË SHQIPËRISË DHE BASHKIMIT TË PËRKOHSHËM TË SHOQËRIVE “GLOBAL FLUIDS INTERNATIONAL” S.A. DHE “PETROLEUM CONSULTING PARTNERS”, A.G”, MIRATUAR ME VENDIMIN NR.200, DATË 13.3.2013, TË KËSHILLIT TË MINISTRAVE
Në mbështetje të nenit 100 të Kushtetutës dhe të nenit 31, të ligjit nr.125/2013, “Për koncesionet dhe partneritetin publik privat”, të ndryshuar, me propozimin e ministrit të Financave dhe Ekonomisë, Këshilli i Ministrave
V E N D O S I:
- Miratimin e kontratës shtesë për ndryshimin e kontratës së koncesionit “Për shërbimin e markimit dhe monitorimit të karburanteve, të lidhur ndërmjet Ministrisë së Financave të Republikës së Shqipërisë dhe bashkimit të përkohshëm të shoqërive “Global Fluids International”, S.A. dhe “Petroleum Consulting Partners”, A.G”, miratuar me vendimin nr.200, datë 13.3.2013, të Këshillit të Ministrave, sipas tekstit të aneksit që i bashkëlidhet këtij vendimi.
- Ngarkohet Ministria e Financave dhe Ekonomisë për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
Discussion about this post