Varianti i ri i koronavirusit, Omicron, po përhapet me shpejtësi në shumë vende të botës. Ditën e djeshme kanë raportuar rastet e para me këtë virus Franca dhe Australia, ndërsa sot është futur në listën e rrezikut edhe një vend tjetër. Mësohet se Japonia ka konfirmuar rastin e parë me variantin Omicron. Pas zbulimit të variantit në Afrikën e Jugut, Omicron është përhapur në shumë vende. Gjithashtu, Spanja dhe Suedia kanë konfirmuar dje rastet e para. Rikujtojmë se OBSH i ka bërë thirrje vendeve të marrin masa për të kufizuar përhapjen e Covid-19.
Dje dhe Kosova ka deklaruar se rrezikohet nga ky variant i ri, ndërsa Britania e Madhe nga sot ka futur në fuqi masa të reja anticovid për udhëtarët pasi ndjenë rrezikun që i kanoset nga ky mutacion. Deri më tani ende nuk ka asnjë informacion se cilat janë simptomat që të tregojnë se je prekur nga Omicron dhe akoma nuk dihet nëse vaksinat kanë efekt ndaj tij apo jo.
Discussion about this post