Italia do të hapë dyert për 80 mijë emigrantë të rinj për punë sezonale. Mësohet se vendimi do të aprovohet së shpejti dhe mundësia do të jetë edhe për shqiptarët që duan të shkojnë në vendin fqinj për motive pune. Autoritet italiane bëjnë me dije se, drafti ligjor për këtë fluks të ri emigrantësh do të miratohet brenda muajit dhjetor të 2021 e po punohet nga disa ministri të kabinetit Draghi e në veçanti nga Ministria e Brendshme dhe ajo e Punës. Fluksi i kësaj kuote të re emigrantësh do të jetë për vendet ekstrakomunitare si Shqipëria, Bosnja, Hercegovina, Tunizia, Algjeria, Bangladeshi etj.
Emigratët e rinj kërkohen të punësohen në sektorin e autotransportit, prodhimit, ndërtimit, hoteleri-turizëm, bujqësi. Një kuotë i është rezervuar emigrantëve që kanë kryer kurse profesionale të specializuara në vendet e tyre të origjinës.
Por, nga na tjetër ky vendim ka shkaktuar debate politike brenda qeverisë italiane. Është Partia Lega e cila kërkon të analizojë çdo detaj të këtij dekreti të cilin e quan momentalisht të panevojshëm për shkak se Covid-19 ka shkaktuar një rëndesë ekonomike për shtetin italian. “Janë gati 3 milionë qytetarë që marrin pagën e ndihmës për shkak të papunësisë e varfërisë me një kosto rreth 9 miliardë euro në vit për arkën e shtetit e çdo ditë zbarkojnë në brigjet italiane me dhjetëra qindra emigrantë përmes Mesdheut”, ka deklaruar nënsekretari i shtetit për Ministrinë e Brendshme, legisti Nicola Molteni.Sakaq, bëhet me dije se përmes këtij vendimi këtë herë në Itali do të hyjnë 3 herë më shumë emigrantë se një vit më parë.
Discussion about this post