Një tjetër futbollist i rangut të lartë, i jep lamtumirën Europës, duke e “varfëruar” akoma më shumë, kontinentin e vjetër përsa i përket super yjeve të futbollit që apasionojnë me miliona tifozë.
Pas negociatave në orët e para të kësaj të hëne, tashmë, çdo gjë ka marrë fund.
Një epokë në nivelet më të larta të futbollit ka mbaruar, me Neymar që do të transferohet në Arabinë Saudite te klubi Al Hilal.
Pas një oferte faraonike dy ditë më parë, të cilën Neymar e pranoi, dokumentet e kontratës tashmë janë pranuar si nga lojtari, por edhe nga PSG.
Neymar do të udhëtojë drejt Arabisë Saudite këtë javë, ku braziliani do të firomosi një kontratë dyvjeçare me Al Hilal.
Gjithashtu në kontratë thuhet se Neymar do të mbajë në fanellë numrin 10. Vizitat mjekësore priten të përfundojnë sot dhe PSG do të përfitojë rreth 100 milionë euro.
Discussion about this post