Aksion në Tiranë, drogë e dhunë, vihen në pranga 9 persona

Nëntë persona kanë rënë në prangat e policisë në Tiranë.

Burime nga policia për gijotina.com bëjnë me dije se gjatë aksionit u arrestua C. S., 58 vjeç, pasi ka ushtruar dhunë fizike dhe psikologjike ndaj bashkëshortes së tij; J. M., 23 vjeç dhe E. L., 24 vjeç, pasi gjatë kontrollit fizik të tyre, J. M., iu gjet dhe sekuestrua në cilësinë e provës materiale një sasi lënde e dyshuar narkotike e llojit kokainë, ndërsa E. L., iu gjet e sekuestrua një dorezë metalike, përforcues grushti.
Në pranga ka rënë edhe I. Xh., 57 vjeç pasi ka ushtruar dhunë fizike dhe psikologjike ndaj bashkëshortes dhe G. L., 46 vjeç pasi ka ushtruar dhunë fizike dhe psikologjike ndaj bashkëshortes. Si pasojë e dhunës së ushtruar, bashkëshortja e G. L., ka tentuar të vetëvritet, duke konsumuar medikamente, dhe pasi ka marrë ndihmën mjekësore në spital, është larguar në banesë.

Të njëjtat burime bëjnë me dije se është arrestuar edhe R. D., 39 vjeç, pasi ka ushtruar dhunë fizike dhe psikologjike ndaj ish bashkëshortes dhe dy vajzave të mitura; A. P., 62 vjeç pasi u kap duke drejtuar mjetin e tij në gjendje të dehur; E. P., 36 vjeç dhe E. Z., 40 vjeç pasi u kapën duke drejtuar mjetet përkatëse në gjendje të dehur.

Gjatë aksionit është arrestuar edhe J. Sh., 31 vjeç pasi duke drejtuar mjetin e tij në mënyrë të parregullt dhe në gjendje të dehur, ka aksidentuar këmbësorin V. Z., 62 vjeç dhe këmbësoren A. Z., 56 vjeçe, të cilët kanë marrë ndihmën mjekësore në spital dhe janë jashtë rrezikut për jetën.

Janë vënë në hetim

Personi i identifikuar me iniciale R. M., 56 vjeç pasi për motive të dobëta ka kanosur me fjalë komshiun shtetasin Sh. M., 68 vjeç;

S. K., 46 vjeç dhe K. K., 57 vjeç, pasi në kundërshtim me vendimin e Gjykatës, duke qenë të pajisur me urdhër mbrojtje, kanë debatuar me njëri-tjetrin. Si dhe E. V., 44 vjeç, pasi në rrugën e “Kavajës” nuk i është bindur urdhrit të punonjëses së policisë rrugore;

A. N., pasi është konstatuar duke kryer punime në lokalin e saj, pa lejen e organeve kopetente; Sh. Z., pasi është konstatuar duke kryer punime në banesën e tij, pa lejen e organeve kopetente; F. A., 18 vjeç pasi gjatë kontrollit të mjetit të tij, iu gjet dhe sekuestrua në cilësinë e provës materiale një shkop druri bejsbolli.