Ish-futbollisti i skuadrës së Barcelonës, Samuel Eto’o ka theksuar se shpreson që Lionel Messi të fitojë një tjetër çmim të “Topit të Artë” duke thelluar rekordin e tij.
“Futbolli është opinion. Më kujtohet në vitin 2010, shumë menduan se të tjerët duhej ta fitonin atë. Për ne është e drejtë që Leo të fitojë sepse ai është lojtari më i mirë në botë dhe kur je më i miri duhet të fitosh çdo ditë.
Luani meriton gjithçka që është e bukur në këtë botë, ndaj jam i lumtur për të, për atë që ka kontribuar, çfarë kontribuon dhe çfarë do të japë. Tani që ai ka të shtatën, shpresoj të vijë e teta.
Xavi? Barça po kalon një situatë të veçantë dhe mendoj se personi ideal për ta ngritur atë është Xavi. Ekziston një faktor fati dhe që shpresoj ta shoqërojë Barçën për të gjetur sërish sukses. Nëse Xavi nuk e bën, askush nuk mund ta bëjë”, theksoi Eto’o.
Discussion about this post