Talibanët ndalojnë gratë të vizitojnë parkun kombëtar popullor

Qeveria talebane i ka ndaluar gratë të vizitojnë parkun kombëtar Band-e-Amir në provincën Bamiyan.

Ushtruesi i detyrës së ministrit të virtytit dhe vesit të Afganistanit, Mohammad Khaled Hanafi, tha se gratë nuk kishin respektuar hixhabin brenda parkut.

Ai u bëri thirrje klerikëve fetarë dhe agjencive të sigurisë që t’i ndalojnë gratë të hyjnë deri sa të gjendet një zgjidhje.

Band-e-Amir është një atraksion i rëndësishëm turistik, duke u bërë parku i parë kombëtar i Afganistanit në 2009.

Është një destinacion popullor për familjet dhe ndalimi i frekuentimit të grave do të pengojë që shumë njerëz të jenë në gjendje të shijojnë parkun.

UNESCO e përshkruan parkun si një “grup liqenesh të krijuar natyrshëm me formacione dhe strukturë të veçantë gjeologjike, si dhe me bukuri natyrore dhe unike”.

Megjithatë, Hanafi tha se të shkosh në park për të vizituar ndonjë gjë “nuk ishte e detyrueshme”, raportoi agjencia afgane Tolo News.

Klerikët fetarë në Bamiyan thanë se gratë që po vizitonin parkun dhe nuk ndiqnin rregullat ishin vizitore të zonës.

“Ka ankesa për mungesë hixhabi ose hixhab të keq, këta nuk janë banorë të Bamiyan. Ata vijnë këtu nga vende të tjera,” tha Sayed Nasrullah Waezi, kreu i Këshillit të Ulema Shia të Bamiyan për Tolo news .

Ish-deputetja afgane Mariam Solaimankhil ndau një poezi që ajo kishte shkruar në X, e njohur më parë si Twitter, për ndalimin dhe shkroi “ne do të kthehemi, jam e sigurt për këtë”.

Fereshta Abbasi, nga Human Rights Watch, vuri në dukje se grave u ishte ndaluar të vizitonin parkun në Ditën e Barazisë së Grave dhe shkroi se ishte një “mosrespekt total për gratë e Afganistanit”.

Ndërkohë Richard Bennett, Raportuesi Special i OKB-së për të drejtat e njeriut në Afganistan, pyeti pse ndalimi i grave për të vizituar Band-e-Amir “është i nevojshëm për t’u pajtuar me Sheriatin dhe kulturën afgane?”.

Talibanët kanë një histori të zbatimit të ndalimeve për gratë që të kryejnë aktivitete të caktuara mbi atë që këmbëngul se është një bazë e përkohshme, duke përfshirë ndalimin e tyre nga ndjekja e shkollave në dhjetor 2022.

Ndalimi për të vizituar parkun kombëtar Band-E-Amir është i fundit në një listë të gjatë aktivitetesh që gratë janë penguar të bëjnë që kur talebanët u kthyen në pushtet në gusht 2021.

Kohët e fundit, talebanët urdhëruan që sallonet e flokëve dhe bukurisë në Afganistan të mbylleshin dhe në mesin e korrikut ndaluan gratë të merrnin provimet kombëtare të pranimit në universitet.