Milatoviç: Vendimet e mia nuk janë ndikuar nga Vuçiç

Presidenti i Malit të Zi, Jakov Milatoviç deklaroi se homologu i tij serb, Aleksandër Vuçiç nuk ka ndikuar kurrë në vendimet e tij.

Sipas Milatoviçit, Vuçiç as që mund ta bëjë diçka të tillë, shkruan Vijesti.

Ndër të tjera, presidenti malazez shtoi se do të vazhdojë të bashkëpunojë me Vuçiçin, si President i Serbisë.

Ai theksoi se Serbia është një nga partnerët kryesorë ekonomikë të Malit të Zi.

Milatoviç u zgjodh si president, pasi koleksionoi më shumë vota se politikani më influent i shtetit ballkanik, Milo Djukanoviç.