Autoriteti Rrugor Shqiptar, ka njoftuar se të hënën, 11.09.2023, do të mbyllet aksi Orikum-Dukat. Mësohet se shkak është bërë rinisja e shtrimit me asfalt e rrugës në fjalë.
Aksi Orikum – Dukat, një tjetër segment i rëndësishëm i cili lidh baypassin e Vlorës me tunelin e Llogarasë, me gjatësi rreth 15 km, u vu në funksion pa mbaruar punimet, gjatë sezonit të verës.
Udhëtarët do të duhet të qarkullojnë nga e hëna në të premte në drejtim të rrugës së vjetër nacionale Orikum-Llogara, teksa kalimi në rrugën Orikum-Dukat do të bëhet vetëm gjatë fundjavave.
Rruga në fjalë i është dhënë me koncesion kompanisë “Gjikuria” me administratorë Milo Gjikuria, Ardmir Doda, Florenc Gjikuria për vlerën e 50,5 milionë eurove.
Aksi Orikum–Dukat nisi të shtrohet në vitin 2018, teksa Rama dhe Balluku, më 20 qershor deklaruan se punimet në këtë rrugë do të përfundojnë në qershor të vitit 2024.
Ky koncesion iu dha në nëntor të viti 2018 kompanisë “Gjikuria Shpk”, pa konkurrim dhe kontratat u nënshkrua për 13 vjet. Sipas dokumenteve kjo firmë do të merret me ndërtimin dhe më pas mirëmbajtjen e këtij aksi rrugor për 13 vjet. Ndërsa më tutje janë përcaktuar edhe vlerat që do të marrë kompania për shërbimet që do të japë në vazhdim.
Gjikuria, si kompani fituese ka arritur që ta financojë ndërtimin e rrugës përmes një kredie me vlerë 25.6 milionë euro, të marrë në një marrëveshje me tri banka: “Intesa San Paolo”, “OTP” dhe “Tirana Bank”, kundrejt një interesi 6%. Për të balancuar shumën e interesit që do të paguajë nga kredia e marrë, kompania vendosi që të aplikojë për shtetin një tjetër interes prej 5% për 21.7 milionë eurot që do të financojë vetë në këtë segment, duke bërë që shteti të paguajë 17.2 milionë euro interesa për kontratën.
Kështu llogaritja gabim e fondit limit që cituam pak më sipër, ndikon edhe në interesit të lartë bankar që duhet të paguhet për këtë koncesion. I lumtë Belindës dhe Gjikurisë, përderisa SPAK-u akoma nuk është zgjuar!
Discussion about this post