Varianti Omicron që po përhapet gjerësisht në botë, ka detyruar Francën të ndërmarrë masa të reja për udhëtarët. Së fundmi Ministria për Europën dhe Punët e Jashtme ka publikuar disa masa dhe rregulla për të gjithë ata qytetarë që duan të udhëtojnë drejt Francës.
Sipas njoftimit, lejohet hyrja në Francë e personave të vaksinuar, të cilët përveç certifikatës së vaksinimit, duhet të jenë të pajisur dhe me një test PCR negativ me vlefshmëri 48 orë para udhëtimit.
Gjithashtu, fëmijët 6 deri 18 vjeç të cilët janë të pavaksinuar, kur shoqërohen nga prindër të vaksinuar, mund futen në territorin francez vetëm me test PCR negativ me vlefshmëri 48 orë para udhëtimit, pa pasur nevojë për arsye madhore.
Për personat e pavaksinuar, autoritet franceze kërkojnë paraqitjen e një arsye madhore të udhëtimit, një test PCR negativ me vlefshmëri 48 orë para udhëtimit, dhe angazhimin për tu izoluar për 7 ditë pas mbërritjes në Francë.
Discussion about this post