Polonia u mposht me rezultatin 2-0, në Tiranë përballë Shqipërisë, duke bërë që rruga e tyre drejt Euro 2024, të kompromentohet. Humbja ndaj ballkanasave, ka acaruar akoma më shumë tifozët polakë, të cilët kontestuan kapitenin e tyre, Levandovksi, por mbi të gjithë, drejtuan gishtin e akuzës te trajneri Fernando Santos, i cili tashmë është shkarkuar nga federata.
Megjithatë, ka nga ata tifozë të ekipit bardhekuq, që kanë vendosur të shijojnë plazhet e Shqipërisë, pas kësaj disfate.
Martina Çodorovska, e cilësuar si miss Kombëtarja ishte mbrëmë në stadiumin “Air Albania” për të ndjekur ndeshjen mes Shqipërisë dhe Polonisë.
Ajo i dha dje zemër Polonisë duke thënë se nuk do të ktheheshin pa 3 pikët në shtëpi, por kjo gjë nuk ndodhi pasi në fund triumfoi Kombëtarja kuqezi.
Më pas Martina ka postuar disa foto nga tribunat dhe jashtë stadiumit duke e treguar hapur trishtimin për humbjen.
Pavarësisht kësaj, ajo ende nuk është larguar nga vendi ynë dhe ashtu si e ka zbuluar vetë, ndodhet në plazhin e bukur të Qeretit.
Discussion about this post